Dapat i-overhaul ang prison system ng bansa.
Ito ang iminungkahi ni Senate Majority Floorleader Joel Villanueva matapos ang pagsasampa ng NBI at PNP ng murder case laban kay suspended Bureau of Corrections (BuCor) Chief Gerald Bantag at sa iba pang sangkot sa pagpaslang sa radio broadcaster na si Percy Lapid.
Ayon kay Villanueva, nakipag-ugnayan na sila kay Senator Ronald Bato Dela Rosa, Chairman ng Committee on Public Order and Dangerous Drugs para sa layuning makalikha ng lehislasyon sa pagreporma ng prison system.
Layunin ng isasagawang pagsisiyasat ng senado sa kaso ng pagpatay kay Lapid na bigyang linaw ang mga lumabas na ulat sa media kung saan lumalabas na mula sa loob ng new bilibid prison ang utos na ipapatay ang broadcaster.
Sa ngayon ay hinihintay pa kung kailan itatakda ang araw ng imbestigasyon ng senado ukol sa pagpaslang kay Lapid.—ulat mula kay Cely Ortega Bueno (Patrol 19)
