Walang katotohanan ang balitang pag-boo kay Vice President Jejomar Binay sa pagdiriwang ng Sinulog Festival 2016 sa Cebu City.
Ayon kay DWIZ Station Manager at United Nationalist Alliance (UNA) Senatorial candidate Rey Langit, nasa kabilang side ng grandstand si VP Binay nang tawagan ni Mayor Mike Rama para lumapit sa kanya at pumagitna sa stage kasama ang iba pang mga lokal na opisyales ng Cebu at organizer ng event.
Napakaikli umano ng talumpati at pagbati ng Pangalawang Pangulo para makaramdam ng negatibong reaksyon at wala umano silang narinig na boo.
“Napakaikli nung dineliver na pagbati ni VP Binay para makaramdam ka ng negative reaction, it’s very unlikely, dun sa side namin wala kaming narinig honestly na boo dahil ang sinabi lang niya ay “Magandang araw po sa inyo, Viva Pit Senyor!” Pahayag ni Langit.
By Mariboy Ysibido | Balitang Todong Lakas
