Ikinabahala ng isang senador ang pag-alis ng Inter-Agency Task Force (IATF) sa travel ban sa may sampung bansang napuruhan ng COVID-19 at iba’t ibang variants nito.
Ayon kay Sen. Nancy Binay, tila baliktad ang naging desisyon ng IATF sa pag-alis nito sa travel restrictions ngayong pataas ng pataas ang naitatalang kaso ng COVID-19 sa bansa.
Giit ng Senador, kulang pa ang Pilipinas sa mga safety net at sablay din aniya ang border control measures ng bansa kaya’t malinaw na nakababahal ang hakbang ng IATF.
Dagdag pa ni Binay, ang mga ganito aniyang pagluluwag ang magbubukas ng pintuan para sa Pilipinas na mapasok ng mga bago at mas peligrosong variant ng virus. —sa ulat ni Cely Ortega Bueno (Patrol 19)
