Ikinakasa na ang isang simpleng paggunita sa ika-20 anibersaryo ng terrorist attack sa New York, USA.
Inilatag ng organizer ang isang simpleng programa sa tinaguriang ground zero, bukod pa sa online activities.
Nakatakdang bisitahin nina US President Joe Biden at Vice President Kamala Harris kasama ang kani kanilang asawa ..ang tatlong lugar kung saan naganap ang pag atake.
Kabilang dito ang World Trade Center sa New York City, Pentagon at Shanksville, Pennsylvania kung saan bumagsak ang United Airlines flight 93.
Isasagawa sa 9/11 Memorial at Museum ang seremonya kung saan babasahin ang pangalan ng mga biktima at itinakda ang moment of silence pasado alas -8 mamayang gabi, oras sa Pilipinas.
