Itinuturing ng Philippine National Police (PNP) na isang dagok sa war on drugs ang pagkakabasura ng Department of Justice sa kasong drug trafficking ng mga sinasabing bigtime druglord ng visayas na sina Kerwin Espinosa, Peter Lim at peter Co.
Ayon kay PNP Spokesman, Chief Supt. John Bulalacao, isa itong malungkot na balita lalo’t ang mga inabsweltong indibidwal ay mga high value target o primary players sa kalakakan ng droga sa bansa.
Gayunman, nilinaw ni Bulalacao na hindi pa naman natatapos ang laban.
Bukod sa isinampang Motion for Reconsideration ng P.N.P. sa D.O.J., naghahanap na rin ng dagdag na testigo at ebidensya ang pulisya para sa posibleng muling pagsasampa ng kaso laban kina Espinosa, Lim, Co at iba pang drug personalities.
-Jonathan Andal
