Inanunsyo ni Metropolitan Manila Development Authority (MMDA) Chairman Benhur Abalos na aalisin na simula bukas ang general curfew hours sa National Capital Region (NCR).
Ani Abalos, ang hakbang ay napagkasunduan na ng lahat ng mga alkalde sa Metro Manila.
Gayunman, sinabi din niya na kung mayroon ng umiiral na curfew hours sa mga local government units sa NCR para sa mga menor de edad ay maaari itong sundin.
Samantala, pumayag na aniya ang mga mall operators na magbukas ng alas-onse ng umaga hanggang alas-dyis o ala-onse ng gabi.—sa panulat ni Airiam Sancho
