Aabot sa P6.8-M halaga ng shabu ang nakumpiska sa tatlong miyembro ng criminal group sa ikinasang buy-bust operation sa Parañaque City, kamakalawa.
Kinilala ang mga suspek na sina Esmail Taha Abdilla alyas Waway Taba, ng ‘Arman Apinado Robbery and IlleGal Drug Group’ at kabilang sa High Value Individual (HVI); Salahudin Burak Zumbaga at Amad Abo.
Maliban sa isang kilo ng shabu, nakuha din sa mga ito ang isang Ford Lynx, iba’t ibang identification cards, at dalawang cellphone.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang mga suspek. —sa panulat ni Hyacinth Ludivico
