Nasabat ng mga tauhan ng Bureau of Customs Intelligence Group ang nasa P54M halaga ng mga smuggled diesel sa loob ng MV Veronica-1 sa subport ng Sual, Pangasinan.
Nakumpiska ng grupo mula sa 12 compartments ng barkong MV Veronica-1 ang tinatayang aabot sa 1,350 kilo-litres ng smuggled diesel fuel na nagkakahalaga ng P54M.
Isinagawa ang naturang joint operation ng customs intelligence and investigation service ng BOC at Enforcement and Security Service at ng Port Operations Division ng subport of Sual, kasama ang Philippine Coast Guard, Philippine Navy, Philippine National Police Maritime Group, at Local PNP.
Pinuri naman ni Customs Commissioner Bien Rubio ang matagumpay na operasyon habang binigyang-diin ni CIIS Director Verne Enciso ang kahalagahan ng inter-agency coordination.
Ipinag-utos naman ng port of San Fernando ang agarang pagkumpiska sa mga smuggled diesel at sa may dala ditong barko, bilang pagtalima sa pertinent customs laws, rules, and regulations. - Sa panunulat ni Hannah Oledan
