Nasabat ang mahigit P5.3 million na halaga ng shabu sa baybayin ng South Ubian, Tawi-tawi.
Ayon kay Col. Richard Verceles, Operations Chief ng Area Police Command-Western Mindanao, dalawang mangingisda ang nag-turn-over kay Murpred Asdain, Barangay Chairperson ng Bubuan.
Batay sa ulat, nangingisda si Sabri Iskan at kapatid nitong si Ali nang makita ang isang lumulutang na plastic sa katubigan.
Nauna nang sinabi ni Verceles, sinadyang iniwan ang iligal na droga para sa targeted recipients ngunit nakita ito ng mga mangingisda.
Sa ngayon, dinala na ng awtoridad ang pinagbabawal na gamot sa Tawi-tawi Capital Bongao upang i-surrender sa Philippine Drug Enforcement Agency. —sa panulat ni Jenn Patrolla