Nakahanda na ang inilaang P182-milyong halaga na food packs para sa mga naapektuhan ng Bagyong Bising.
Ito ang tiniyak ng Department of Social Welfare and Development (DSWD) Director Clifford Rivera, bukod sa mga food packs ay nakahanda na rin para ipamahagi.
Dagdag ni Rivera, mayroon rin nakahandang P556-milyon para sa standby funds ng ahensiya.
Bukod dito, patuloy pa rin ang isinasagawang monitoring sa health situation sa mga lugar na posibleng maapektuhan ng Bagyong Bising kabilang ang pagpapadala ng mga supplies ng PPE at gamot na ipamamahagi ng local government units (LGU).
Gayunman, nakataas pa rin sa blue alert status ang Bicol Region maging ang Eastern Visayas.
Dahil dito, inatasan na rin ang mga LGUs na magpatupad ng pre-emptive evacuation sa ilang lugar sa Camarines Sur, Catanduanes, Sorsogon, Northern at Eastern Samar. —sa panulat ni Rashid Locsin