Aabot sa P14-M halaga ng smuggled na sigarilyo ang nasabat ng mga otoridad sa dalawang suspek sa MCLL Highway, Culianan, sa lungsod ng Zamboanga.
Kinilala ang mga suspek na sina Jose Dichoso Goodwill, 45-anyos, at Ryan Jalis Comidoy na gumamit ng isang ten-wheeler truck para magdeliver ng mga iligal na sigarilyo sa nasabing lugar.
Ayon sa mga otoridad, nasa 400 master cases ng mga smuggled na sigarilyo ang nakuha sa dalawang suspek.
Nahaharap ngayon sa kaukulang kaso sina Goodwill at Comidoy habang itinurn-over na ang mga nakumpiskang kontrabando maging ang sasakyan na ginamit ng mga suspek sa Bureau of Customs.
