Walang planong manghimasok ang Office of the Vice President sa namumuong tensyon sa pagitan ng China at Taiwan.
Ito ang inihayag ni Atty. Reynolds Munsayac, tagapagsalita ni VP Sara Duterte na usaping panlabas ng Pilipinas ang isyu ng China at Taiwan at hindi sila magkokomento sa usapin na ito.
Kung malalagay sa peligro ang kalagayan ng mga OFW na nasa Taiwan ay saka pa lamang manghihimasok ang ating gobyerno para tiyakin na ligtas ang mga ito.
Dagdag pa ni Munsayac, tinututukan na rin ng Department of Migrant Workers (DMW) ang kapakanan ng mga manggagawa na nasa labas ng bansa at tiyak na mayroong mga nakalatag na paghahanda sakaling lumala ang tensyon sa Taiwan.
