Nagpaabot ng relief assistance ang tanggapan ni Vice President Sara Duterte sa mga pamilyang naapektuhan ng pagbaha sa Zamboanga City.
Ayon sa OVP-Disaster Operations Center, napagkalooban ng relief packages na naglalaman ng tubig, sanitary items, sleeping mats, kumot, mosquito nets at face masks ang Barangay Putik, Cabuluay, Culianan, Pasolobong, Boalan at Tumaga.
Nakatuwang naman ng OVP-Disaster Operations Center sa pamamahagi ng relief boxes ang Western Mindanao Command, Marine Battalion Landing Team 11, 74th Infantry Battalion, OVP Zamboanga Satellite Office, at maging ang City Social Welfare and Development Office.
