Bubuhayin na ng Metropolitan Manila Development Authority ang Oplan Undas, simula bukas, Oktubre 27.
Ayon kay M.M.D.A. Chairman DANILO lim, simula bukas ay paiigtingin na nila ang kanilang clean-up drive sa ilang pampubliko at pribadong sementeryo para sa Todos los Santos at pista ng mga patay.
Idedeploy anya sa mga sementeryo ang mga miyembro ng Metro Parkway Clearing Group o M.P.C.G.
Halos 3000 tauhan na binubuo ng traffic enforcers at augmentation teams ang kanila ring ipakakalat kasabay ng pagpapatupad ng no day off, no absent policy simula bukas hanggang Nobyembre 2.
Kabilang sa tututukan ng M.M.D.A. ang Manila North Cemetery; La Loma Cemetery sa Caloocan; Manila South Cemetery sa Makati City; Tugatog Cemetery sa Malabon City; San Felipe Neri Catholic Cemetery sa Mandaluyong at Arkong Bato sa Valenzuela City.
Bukod sa clean-up operations, magtatayo naman ang road emergency group ng mga tents upang magsilbing public assistance centers kasama ang mga ambulansya sa Manila North Cemetery, South Cemetery, Loyola Memorial Park sa Marikina City at San Juan Public Cemetery sakaling magkaroon ng medical emergency.