Pansamantala ring ipinatigil ang mga sabungan sa Bataan dahil sa avian influenza virus outbreak sa karatig lalawigan ng Pampanga.
Ayon kay Bataan Governor Albert Garcia, dalawang linggong tigil ang operasyon ng mga cockpit arena bilang bahagi ng hakbang upang mapigilan ang pagkalat ng bird flu virus sa lalong madaling panahon.
Inabisuhan na rin ng Bataan Police Provincial Office ang lahat ng cockpit operators sa lungsod ng Balanga; mga bayan ng Dinalupihan, Orani, Abucay, Orion at Limay hinggil sa temporary ban.
Samantala, bagaman ipinatigil pansamantala ng Department of Agriculture ang sabong sa Pampanga, tuloy pa rin ang operasyon nito sa bayan ng Apalit kung saan dinagsa pa ng mga sabungero at mananaya, kahapon.
By Drew Nacino
