Mahigpit na babantayan ng Joint Task Force COVID-19 shield ang operasyon ng mga sabungan sa buong bansa sa kabila ng umiiral na community quarantine.
Ito’y makaraang aprubahan ng Inter-Agency Task Force (IATF) ang rekumendasyong payagan na ang operasyon ng may 1,200 sabungan kabilang na ang online sabong.
Ayon kay Task Force Commander P/Ltg. Guillermo Eleazar, inatasan na rin nila ang lahat ng police unit commanders na paigtingin ang kampaniya laban naman sa iligal na tupada.
Maliban sa sabungan, pinayagan na rin ng IATF ang operasyon ng mga off betting track (OTB) para sa karera ng kabayo para sa mga lugar na nasa ilalim ng general community quarantine.
Mahigpit namang ipinagbabawal ang pagkakaroon ng manonood sa mga sabungan maging iyong mga online at remote na pagtaya ng mga sabungero.
