Bukas na ang one stop shop na itinatag ng Bureau of Customs (BOC) na tututok sa lahat ng importasyon na may kaugnayan sa medicel supplies partikular ng personal protective equipment (PPE).
Layon ng one stop shop na tulungan ang importers na mapabilis ang pagpapalabas ng kanilang kargamento tulad ng imported relief goods, equipments at mga medical supplies na kabilang sa donasyon.
Mismong ang one stop shop na rin ang direktang makikipag-ugnayan sa government agencies sa pagproseso ng donated relief goods.
