Kinumpirma ng Chevron Philippines ang pagtagas ng kanilang langis sa bayan ng San Pascual sa Batangas.
Ayon kay Engineer Dinnes Perez, Operations Manager ng Chevron, nangyari ang insidente sa Barangay Poblacion sa naturang bayan.
Giit ni Perez, natapon ang tinatayang 300 litrong langis habang isinasalin ito sa isang chartered vessel sa Batangas terminal.
Gayunman, nilinaw ng Chevron na agad namang na-contain ang oil leak matapos mailatag ang mga ‘boom’ sa apektadong lugar.
Paliwanag naman ni Chief Inspector Manuel Maligaya ng San Pascual Police Chief, nagsagawa sila ng ocular inspection at nakumpirmang hindi ito nagdulot ng fish kill sa nasabing barangay.
By Jelbert Perdez
