Nagpatupad na ng bigtime price rollback ang mga kumpanya ng langis.
Epektibo 12:01 kaninang hatinggabi buena manong inilarga ng Caltex ang P0.85 sentimos na tapyas sa kada litro ng gasolina, P1.20 sentimos sa diesel habang P1.30 sentimos sa kerosene o gaas.
Aarangkada naman mamayang ala-6 ng umaga ang kahalintulad na price adjustments ng Flying V, Phoenix Petroleum, Petron, Unioil Advisory, PTT Philippines, Total Advisory, Seaoil at Petrogazz.
Mamayang alas-8 rin ng umaga ipatutupad ng Cleanfuel ang kanilang bawas presyo sa mga oil product.
Ito na ang ikatlong linggong sunod na bigtime rollback ang mga kumpanya ng langis dahil sa bahagyang pagtaas ng supply sa international market makaraang ilabas ng U.S. at China ang kanilang oil reserves. —sa panulat ni Drew Nacino
