Inilarga na ng mga kumpanya ng langis ang roll-back sa presyo ng kanilang mga produkto.
Epektibo alas 12 kaninang hating gabi, buena manong nagpatupad ng pisong tapyas-presyo sa kada litro ng gasolina ang Caltex, sisenta sentimos sa diesel habang sisenta’y singko sentimos sa kerosene.
Ala sais namankaninang umaga umarangkada ang roll-back ng Petron, Shell, Flying V, Phoenix Petroleum, Unioil, Petrogazz, PTT Philippines, Seaoil habang mamayang alas-4 ng hapon ang Cleanfuel.
Ito na ang ikalawang sunod na nagpatupad ng tapyas-presyo sa diesel at kerosene at unang beses sa gasolina, matapos ang sampung sunud-sunod na linggong price hike. —sa panulat ni Drew Nacino
