Handa ang one Hospital Command Center (OHCC) na magdagdag ng tauhan sakaling muling tumaas ang kaso ng COVID-19 sa bansa.
Ito ang tiniyak ni OHCC Operations Manager Dra. Bernadette Velasco matapos na maitala ang kaso ng BA.2.12 sub-variant ng Omicron sa Pilipinas.
Patuloy naman ang pagpapaigting ng command center sa kanilang proseso at pagpapaikli ng turnaround time sa mga natatanggap na tawag.
Sa ngayon, nasa dalawang tawag kada araw ang natatanggap ng OHCC na ang karamihan ay walang kinalaman sa COVID-19.
