Ilang dokumento pa ang hinihintay ng gobyerno mula sa Indian firm na Bharat biotech bago payagan makapasok sa Pilipinas ang kanilang COVID-19 vaccine na Covaxin.
Ayon kay Health Undersecretary Maria Rosario Vergeire, nabigyan pa lamang ng conditional Emergency Use Authorization ang Covaxin dahil hindi pa nakapagsusumite ang mga ito ng Certificate of good manufacturing practice at risk management plan.
Bagama’t hindi kailangang magkaroon ng agam-agam ang publiko sa naturang bakuna, hindi pa rin ito makakapasok sa bansa hangga’t hindi pa nila nakukumpleto ang kanilang requirments.
Nagpakita ng 81% efficacy ang Covaxin para maiwasan ang pagkakaroon ng sintomas ng COVID-19 batay sa resulta mula sa late-stage trial na isinagawa sa India.