Nakalikom na ang Office of the House Speaker ng halos P50-M na cash pledge bilang tulong para sa mga biktima ng bagyong Paeng.
Ayon kay house speaker Martin Romualdez, gagamitin ang nasabing halaga bilang pambili ng mga pagkain, tubig at iba pang relief goods.
Nakalap ang pondo mula sa pribadong sektor at ilang empleyado ng kamara na nag-donate rin ng mga damit at kagamitan.
Kabilang anya sa mga nahatiran ng tulong ang ilang bayan sa Cavite at Laguna na labis nasalanta ng bagyo. —mula sa panulat ni Jenn Patrolla
