Pumalo na sa 449,615 ang kabuuang bilang ng mga gumaling mula sa coronavirus disease (COVID-19) sa Pilipinas.
Ito’y bunsod ng naitalang 291 na bagong recoveries ng Department of Health o DOH.
Nagkaroon naman ng 1,952 na bagong impeksiyon dahilan upang umakyat sa 485,797 ang total cases sa bansa.
Sa bilang na ito, 26,784 ang active cases.
Nanguna ang Davao City sa may pinakamaraming bagong kaso na 143 cases, sinundan ng Quezon City (98), Rizal (80), Cavite (77), at Bulacan (74).
Samantala, 34 pang pasyente ang pumanaw dahilan upang sumampa sa 9,398 ang death toll sa buong kapuluan.
