Nananawagan ang the National Union of Journalists of the Philippines para sa mas maayos na “work conditions” at job security para sa mga media worker sa gitna ng mga ulat na posibleng pagsasara ng news website na Interaksyon dot.com.
Ayon sa N.U.J.P., sa mga nagdaang taon ay nakikipagbuno ang media sa phenomenon na “fake news” o propaganda at maling impormasyon na kalauna’y tila naging lehitimong balita na sa nakalipas na taon.
Halos dalawampung mga manggagawa sa media industry ang nanganganib mawalan ng trabaho dahil sa naka-umang na closure at madaragdag ang bilang na ito sa daan-daan pang media worker na sinibak ng ibang media outfits dahil sa ‘right-sizing.’
Sa kabila nito, nilinaw ni Philstar Global Corporation CEO Kevin Belmonte na pinag-aaralan pa ng Mediaquest Management “opsyon” para sa Interaksyon.
Ang Philstar Global na namamalakad sa Philstar dot com, ang online arm ng Philstar media group, kung saan may controlling stake si PLDT Chairman at CEO Manuel Pangilinan na siya ring Chairman ng Mediaquest Holdings.
