Patay ang isang miyembro ng New People’s Army (NPA) makaraang maka-engkuwentro ng militar sa Brgy. Piwan, Midsalip sa Zamboanga del Sur.
Ayon kay Maj/Gen. Generoso Ponio, commander ng 1st Infantry Division ng Philippine Army, nakasagupa ng mga tropa ng 97th, 42nd at 43rd infantry battalions ang hindi mabilang na mga terroristang komunista.
Tumagal ng 25 minuto ang bakbakan kung saan, nasabat sa mga ito ang iba’t ibang matataas na uri ng armas.
Kasunod nito, patuloy naman ang panawagan ng militar sa mga rebelde na talikuran na ng mga ito ang kanilang armadong pakikibaka sa halip ay magbalik loob na sa pamahalaan.
