Niyanig ng magnitude 6.3 na lindol sa northeastern Japan.
Ayon sa Japan Meteorological Agency, naitala ang sentro ng pagyanig sa hilagang bahagi ng ibaraki prefecture na may lalim na 10 kilometro.
Sinasabing naramdaman din ang lindol sa ilang bahagi ng Tokyo.
Gayunman, walang iniulat na nasaktan o malaking pinsala sa naturang pagyanig.
Maliban dito, wala ring inisyung tsunami warning ang mga awtoridad.
By Jelbert Perdez
Photo: AFP / JIJI PRESS
