Pinapayagan nang makabisita ang lahat ng edad sa National Museum of the Philippines (NMP).
Ito’y kasabay ng pagbaba ng Alert level sa Metro Manila.
Batay sa Facebook post ng NMP, nakabase sa Inter-Agency Task Force (IATF) Alert level 2 regulations ang desisyong payagan na ang nasabing age groups na makapasok dito.
Lahat ng mga nabakunahan kontra COVID-19 na mga adults ay maaaring makapasok na habang ang mga nasa 18 taong gulang pababa bakunado man o hindi ay kailangan may kasamang fully vaccinated na nakakatanda.
Samantala, 200 lamang ang papayagan sa loob ng museum at dapat may reservation ito bago bumisita.
