Handa na ang (NLEX) North Luzon Expressway at (SLEX) South Luzon Expressway sa pagbuhos ng mga motoristang uuwi sa mga lalawigan kaugnay sa paggunita sa araw ng mga patay.
Ayon kay NLEX Media Relations Officer Francisco Dagohoy, inaasahan na nila ang buhos ng mga motorista ngayong araw na ito partikular sa tanghali.
Magtutuluy-tuloy na aniya ito bukas, Sabado hanggang umaga ng linggo kung kailan inaasahan ang mahigit 200,000 motorista na dadaan sa mga nasabing expressway ngayong weekend.
Pinayuhan ni Dagohoy ang mga motoridad na maghanda na ng eksaktong toll fee para hindi magtagal sa toll plaza.
Tiniyak din ni Dagohoy ang pag-ayuda ng kanilang team mula ngayong araw na ito hanggang November 2.
Kabilang aniya sa assistance ang libreng mechanic services, first aid treatment, libreng tawag at iba pa na makikita sa fuel stations.
By Judith Larino
