Tiniyak ng National Housing Authority (NHA) na mamamahagi ito ng tulong sa mga biktima ng kalamidad sa pamamagitan ng proyekto nitong Emergency Housing Assistance Program (EHAP).
Sa ilalim ng programa, mamimigay ng agarang tulong pinansyal ang NHA para sa mga pamilyang nasalanta ng mga natural o man-made calamity.
Ayon kay NHA General Manager Joeben Tai, plano nitong itaas ang kalidad ng mga pabahay ng ahensya upang maging kasing tibay ito ng mga pabahay ng pribadong sektor.
Plano rin ng ahensya ang pagkakaroon ng benepisyaryo ng mga sustainable community para maitaas ang antas ng kanilang pamumuhay.
Humirit naman ang hepe ng NHA sa kongresa na bigyan ng pondo ang kanilang ahensya upang matuloy nito ang EHAP at iba pang pabahay sa mga susunod na taon. —sa panulat ni Hannah Oledan
