Pinaiimbestigahan ni PNP Chief General Dionardo Carlos ang pagpapasabog sa transmission tower ng National Grid Corporation of the Philippines sa Lanao Del Sur.
Partikular na pinakilos ni Carlos ang BARMM regional police para imbestigahan ang nasabing pagsabog sa NGCP tower sa bayan ng Maguing.
Ayon sa NGCP, ang naturang tower ay “unenergized” o walang pakinabang nito pang nakalipas na Setyembre matapos isabotahe ng mga hindi pa nakilalang suspek ang insulators ng NGCP tower.
Umapela ang NGCP sa awtoridad na tulungan silang tukuyin ang mga indibidwal na nasa likod nang pagpapasabog.
Ipinabatid ng NGCP na lalong pahirap sa publiko ang mga pagpapasabog dahil mas maraming brownout ang nangyayari kapag nasasabotahe ang mga tower.
