Bukas ang pamunuan ng National Food Authority o NFA sa isasagawang audit sa kanilang ahensya para linawin ang usapin hinggil sa umano’y rice shortage.
Ayon kay NFA Administrator Jason Aquino, maganda aniyang pagkakataon ito upang matuldukan na ang mga agam-agam ng ilan hinggil sa kung paano nila ipinamamahagi ang mga NFA Rice sa buong bansa.
Una nang inihayag ng Agriculture Department na nagmula sa BSP o Bangko Sentral ng Pilipinas ang rekumendasyon na isailalim sa audit ang NFA sa ginawang NFA Council meeting nito lamang Lunes.
Pinapurihan naman ni Agriculture Secretary Manny Piñol ang naging hakbang na ito upang matapos na rin ang mga ispekulasyon hinggil sa usapin kung tunay o gawa-gawa lamang ang isyu ng rice shortage.
Posted by: Robert Eugenio
