Pinapayagan na ang mga dayuhang manlalakbay at mga babalik na Pilipino na magpakita na lamang ng negatibong resulta ng laboratory-based antigen test pagdating nila sa Pilipinas.
Ayon sa Malakanyang, ang pinakabagong hakbang ay ginawa ng IATF sa gitna ng pagluwag ng mga retriksiyon sa COVID-19 sa bansa.
Dagdag pa rito, ang mga internasyonal na pasahero na papasok sa Pilipinas ay maaari na lamang magpakita ng negatibong resulta ng RT-PCR test.
Inihayag naman ng IATF na ang mga indibidwal na fully vaxxed na ay kailangan nalang mag-self-monitor, habang ang mga hindi pa bakunado ay kailangan parin sumailalim sa facility-based quarantine hanggang sa mailabas ang kanilang negatibong RT-PCR test na kinuha sa kanilang ikalimang araw sa bansa. – sa panulat ni Mara Valle
