Ipinag-utos ni Pangulong Ferdinand Marcos Jr. ang nationwide rollout ng assistance sa local government units (LGUs) na hindi pa nagpapatupad ng electronic business one-stop shop.
Sa e-business one-stop shop, magiging digitalized at mas mabilis ang proseso sa pagkuha ng business permits at iba pang dokumento sa pagnenegosyo.
Ayon kay Anti-Red Tape Authority (ARTA) Director General Ernesto Perez, isasagawa ang nationwide rollout sa huling linggo ng Enero, katulong ang presidential management staff, Department of the Interior and Local Government (DILG), at Department of Information and Communications Technology (DICT).
Mabibigyan ang LGUs ng hardware at technical assistance upang matagumpay na makapagpatayo ng one-stop shop.
Ayon sa ARTA, 630 pa lamang mula sa 1,637 LGUs sa bansa ang nagpapatupad ng nasabing sistema.
