Pinangangambahang na-trap ang tinatayang nasa 70 katao sa pagguho ng isang apartment building sa Western India.
Ayon sa mga awtoridad sa India, mayroong 47 pinauupahang kuwarto sa naturang limang palapag na gusali sa bayan ng Mahad.
Nasa 15 naman ang nailigtas at isinugod sa ospital para bigyan ng lunas habang nagpapatuloy ang rescue operation sa lugar ng aksidente.
Sa kasalukuyan, hindi pa malinaw ang dahilan ng pagguho.
