Tinatayang nasa limampung milyong Facebook accounts sa buong mundo ang nalagay sa security breach.
Kinumpirma ng naturang social media giant na kabilang sa mga pinasok ng attacker ay ang account ni Facebook Founder Mark Zuckerberg at Facebook Chief Operating Officer Sheryl Sandberg.
Kaugnay nito, humingi ng paumanhin ang kumpanya matapos na mailagay sa alanganin ang mga personal na datos ng mga facebook user,
Nagpapatuloy na anila ang imbestigasyon sa kung gaano kalawak ang naging security breach at ang pagsisikap ng kumpanya para mabawi ang naturang mga account.
