Bumaba ang bilang ng mga naitalang bagong kaso at nagpapagamot sa ospital dahil sa COVID—19 sa France, sa tatlong magkakasunod na araw.
Ito ay napuna matapos simulan ng France ang kanilang vaccination program kontra COVID-19.
Batay sa kanilang pinakahuling tala, umabot sa 20,586 ang nai-report na bagong kaso ng COVID-19 sa kanilang bansa.
Mas mababa ng halos 2,000 mula sa naitalang 22,139 na bagong kaso noong naunang araw.
Bumaba naman sa 27, 369 ang bilang ng mga naospital sa France dahil COVID-19.
Mas mababa ito ng 245 kumpara sa naitala sa naunang araw.
