Nasabat ng Philippine Drug Enforcement Agency (PDEA-BARMM), ang higit P3-M halaga ng ilegal droga sa isang miyembro ng Bangsamoro Islamic Freedom Fighters (BIFF) at kilalang carnapper sa Maguindanao.
Naisakatuparan ang pagkakasabat sa ilegal na droga matapos na ikasa ng mga kawani ng PDEA at PNP ang buy-bust operation sa kinaroroonan ng mga suspek.
Kasunod nito, naaresto ang 29-na-taong-gulang na suspek na si Jordan Mamasapano o alyas Abdul.
Narekober ng mga operatiba sa suspek ang 11 pirasong sachet ng ilegal na droga.
Samantala, dahil sa pagkakadakip kay alyas Abdul, napag-alaman ding mayroong itong standing warrant of arrest sa kasong paglabag sa anti-carnapping act, at kabilang rin ito sa tala ng mga most wanted sa rehiyon.
