Tiniyak ni Armed Forces of the Philippines (AFP) Spokesperson Colonel Medel Aguilar na handa ang AFP sakaling ipag-utos ng korte na isailalim sa kustodiya ang mga naarestong terorista.
Kaugnay ito ng pahayag ni PNP Chief Police General Rodolfo Azurin Jr. na mas mabuti kung nasa pangangalaga ng AFP ang mga nahuling terorista para mas mabantayan sa loob ng kampo militar.
Ito’y dahil aniya hindi naman maximum security facility ang pnp custodial center at kadalasang ginagamit ito para sa mga akusado sa high-profile cases.
Kasunod ito ng naganap na tangkang pagtakas ng 3 presong umano’y miyembro ng Abu Sayyaf at pag-hostage kay Dating Senador Leila De Lima sa PNP Custodial Center sa Camp Crame nitong linggo. - sa ulat ni Agustina Nolasco (Patrol 11)
