Kinumpirma ng National Disaster Risk Reduction and Management Council na isandaan at walumpung pamilya ang naapektuhan ng magnitude 6.8 na lindol na yumanig sa ilang bahagi ng Mindanao noong Biyernes, Nobyemre 17.
Ayon sa NDRRMC, may kabuuang 1,509 na indibidwal ang naapektuhan ng pagyanig sa Davao Occidental; Davao Oriental; South Cotabato; at Sarangani.
Dagdag pa ng ahensya, labindalawang kalsada ang naapektuhan ng pagyanig, kung saan, tatlo ang hindi passable sa SOCCSKSARGEN.
Ayon din sa datos ng NDRRMC, may kabuuang limampu’t lima ang nasirang bahay habang pitongput-isa naman ang nasirang imprastraktura sa mga nabanggit na lugar.