Patuloy na mino-monitor ng Philippine Institute of Volcanology and Seismology ang aktibidad ng bulkang Bulusan sa Sorsogon.
Batay sa bulletin ng Phivolcs, 69 na volcanic earthquakes ang naitala sa bulkang Bulusan sa nakalipas na 24-oras.
Sa nasabing bilang, mayroong 56 na volcanic tremors na tumagal ng 19 na minuto.
Naglabas rin ang bulkan ng 4,627 tonelada ng Sulur Dioxide at plume na umaabot sa 750 meters ang taas.
Sa ngayon ay nananatili sa Alert level 1 ang bulkang Bulusan.
