Muling nagkaaberya ang Metro Rail Transit o MRT ngayong umaga.
Naperwisyo ang may 700 mga pasahero nang mapababa ang mga ito sa Boni Station kaninang pasado alas-8:00 ng umaga.
Ayon sa MRT Management, nagkaroon ng electrical failure ang motor ng tren dahil sa pagkasira ng regulator, insulator at carbon brush.
Agad ding nasakay ang mga pinababang pasahero sa isang skip train matapos lamang ang limang minuto.
Matatandaang umaabot sa 1,200 mga pasahero ang apektado ng naging aberya ng MRT kagabi.
—-
