Magpapatupad ng pansamantalang tigil-operasyon ang MRT-3 sa October 31 hanggang November 2.
Ayon sa pamunuan ng MRT-3, ito para bigyang daan ang gagawing bushing replacement sa depot at turnout activity sa Taft Avenue Station.
Bahagi ng gagawing bushing replacement ng 34 point 5-kilovolt alternating current switch gear ay ang pagsasaayos ng bus tie na nagbibigay ng supply ng kuryente sa depot mula sa Meralco power source nito sa Balintawak at Diliman at pagkukumpuni ng isang panel na mayroong 12 bushing unit.
Ang turnout activity naman ay pagsasaayos ng 2A at 2B turnout sections ito ay gagawin upang makalipat ang isang tren mula sa isang track patungo sa ibang track
Target na maiakyat pa ito sa 50kph sa Nobyembre at 60kph sa Disyembre, oras na matapos ang pagsasaayos ng turnouts.
