Sa ikalawang pagkakataon, hindi pinagbigyan ng Sandiganbayan First Division ang hiling ni Senador Bong Revilla Jr. na makadalaw sa burol ni German Moreno ngayong hapon sa GMA-7 Network Center sa Quezon City.
Ito’y makaraang ibasura ng Anti-Graft Court ang motion for reconsideration na inihain ng kampo ni Revilla na humihiling na i-reconsider ang nauna nitong pasya na nagbabasura sa kanyang hirit na 5-oras na furlough.
Pinanindigan ng Sandiganbayan First Division ang nauna nilang desisyon na hindi dapat pagbigyan ang motion to leave detention ni Revilla.
Ito’y sa kadahilanang dahil hindi maituturing na emergency at walang “exceptional circumstance” sa kahilingan ng senador na makalabas ng detention cell.
By Meann Tanbio | Jill Resontoc (Patrol 7)
