Patay ang 8 katao nang sumalpok sa isang malaking puno ang sinasakyang van sa kahabaan ng Kidapawan Matalam Highway sa Kidapawan City.
Ayon kay Municipal Police Chief Inspector Elias Colonia, nawalan ng kontrol ang driver ng van kaya’t bumangga ito sa malaking puno pasado alas-3:00 kaninang madaling araw sa Brgy. West Patadon sa Cotabato.
Ang mga hindi pa pinangalanang pasahero ng van ay patungong Cotabato City mula sa Davao City.
Kaagad namang isinugod sa ospital ang mga sugatang pasahero sa Cotabato provincial hospital sa Barangay Amas.
By Judith Larino
