Tinukoy ng Police Regional Office-3 o PRO-3 ang 41 bayan at lungsod sa Central Luzon na nasa election watch list nito.
Ito’y kinabibilangan ng Dingalan, Baler, at Maria Aurora sa Aurora; Dinalupihan at Limay sa Bataan; at Dona Remedios Trinidad, San Jose del Monte, San Miguel, San Ildefonso, Baliwag, at Meycauayan sa Bulacan.
Nasa listahan din ang Arayat, Masantol, at Mexico sa Pampanga; Bamban, Paniqui, San Jose, Capas, San Manuel, Tarlac City, at Mayantoc sa Tarlac; at Botolan, Castillejos, at Masinloc sa Zambales.
Ayon kay PRO-3 Director Chief Supt. Rudy Lacadin, mayroon nang heightened security preparation sa mga nasabing lugar tulad ng deployment ng maraming pulis, pagpapaigting ng police operations, mobile patrol at maraming checkpoints.
Naisasama sa election watchlist ang isang lugar base sa mga nangyaring insidente sa mga nakaraang halalan.
By Jelbert Perdez
