Nagbabala sa publiko ang Department of Health (DOH) kaugnay sa pagkakahawa sa monkeypox virus.
Ayon kay Dr. Beverly Ho, Health Assistant Spokesperson at Undersecretary ng DOH, batay sa ginawang pag-aaral ng mga non-endemic countries, naipapasa ang monkeypox virus sa pamamagitan ng sexual contact o pakikipagtalik.
Partikular ito sa taong positibo sa virus na nakitaan ng mga rashes sa katawan o mayroong open wounds.
Hindi naman kagaya ng Covid-19 ang monkeypox na naisasalin sa pamamagitan ng hangin.
Sa ngayon, payo ng DOH sa publiko na iwasan ang pakikipagtalik sa mga taong may mga rashes o mayroong sugat.
Habang dapat ding panatilihin ang kalinisan sa pamamagitan ng paghuhugas ng kamay, pagsusuot ng face mask at iwasan ang mga kulob na lugar.
