Suspendido ang Twitter account ni blogger MTRCB Board Member Mocha Uson.
Kasunod na rin ito nang isinagawang DDS Twitter Party ni Uson sa pamamagitan ng kanyang facebook account.
Halos isang milyon aniya ang nag tweet sa nasabing aktibidad sa loob lamang ng 24 oras.
Sinabi ni Uson na hinala niyang may mga dilawan partikular ng mga troll aniya ni Vice President Leni Robredo na nagsagawa ng mass report sa Twitter para ireklamo ang kaniyang account.
Umapila si Uson sa kaniyang followers na patuloy na mag tweet para ma restore ang kaniyang account.
Bagamat may mga sumuporta kay Uson, mayroon ding netizens na nagpasalamat sa twitter sa pagkakasuspindi ng account ng nasabing board member ng MTRCB.
By Judith Larino
