Isinagawa na kahapon ang 4th Joint Coordination Committee (JCC) Meeting for the Comprehensive Traffic Management Plan (CTMP).
Dumalo rito ang Metropolitan Manila Development Authority (MMDA), mga alkalde sa Metro Manila, kinatawan ng Japan International Cooperation Agency (JICA) at ilang concerned agencies para pag-usapan ang problema sa trapiko sa Metro Manila.
Sa pulong na pinangunahan ni MMDA Chairman Romando Artes, iprinisinta ng japan ang 5-year Action Plan on Traffic Management.
Nakasentro ito sa panandalian at pangmatagalang solusyon sa trapiko sa Metro Manila maging ang kapasidad sa paggawa ng kagamitan.
Kabilang din dito ang mga hakbang para lutasin ang problema sa mga pangunahing lansangan na matindi ang trapik.
Sa ngayon, paliwanag ni Seiya Matsuoka, Project Team Lead and Road Traffic Management Specialist na mahalaga ang pagtutulungan ng lahat ng sektor upang maging epektibo ang pagtugon sa problema sa trapiko.