Kalaboso ang asawa umano ni PBA Superstar at San Miguel Beermen Point Guard Terrence Romeo dahil sa reklamong technical carnapping, estafa at paggamit ng pekeng pangalan.
Kinumpirma ng PNP-Highway Patrol Group na inaresto ang Misis ni Romeo na si Beatrice Pia White, 37-anyos at kasabwat umanong si Efcel Reyes dahil sa pagtangay ng sasakyang kanilang nirentahan.
Ayon kay Lt. Col. Christian Dela Cruz ng PNP-HPG Public Information Office, natimbog sina White at Reyes noong sabado ng gabi makaraang ireklamo ng dalawa nilang biktima.
Nag-renta anya ang mga suspek ng Mitsubishi Mirage 2019 model sa halagang P10K pero hindi na ibinalik sa may-ari.
Kasalukuyang nakapiit sa Special Operations Division ang dalawa habang nananatiling tikom ang basketbolista sa issue.
